इरानको रिभोलुसनरी गार्डलाई ‘आतंकवादी संगठन’को सूचीमा राख्नेबारे अध्ययन

१४ कात्तिक, एजेन्सी । बर्लिन-जर्मनी र युरोपेली युनियनले इरानको रिभोलुसनरी गार्डलाई ‘आतंकवादी संगठन’को रूपमा सूचीमा राख्ने कि नराख्ने भनेर जाँच गरिरहेको जर्मन विदेशमन्त्री आनलेना बेरबोकले बताएकी छिन् ।

रिभोलुसनरी गार्डको प्रदर्शन रोक्नको आदेशलाई अस्वीकार गर्दै इरानका प्रदर्शनकारीहरूले आइतबार फेरि जुलुस निकालेपछि उनको टिप्पणी आएको हो।

इस्लामिक गणतन्त्र इरानमा महिला पोसाक उल्लंघनको आरोपमा तेहरानमा पक्राउ परेपछि महसा अमिनीको हिरासतमा मृत्युपछि विरोध प्रदर्शन चर्किरहेका बेला जर्मनी र ईयुले रिभालुसनरी गार्डलाई अतिवादी संगठनको रुपमा सूचीवद्ध गर्ने वा नगर्ने विषयमा जाँच गरिरहेका हुन् ।

चर्को रुपमा भइरहेको अहिले सातौं हप्तामा चलिरहेको छ । प्रदर्शन उग्र बन्दै गएको जनाइएको छ ।