प्रधानमन्त्री देउवाद्वारा गुजरात घटनाप्रति दुःख व्यक्त

१४ कात्तिक, काठमाडौं । प्रधानमन्त्री शेरबहादुर देउवाले झण्डै डेढ सय जनाको ज्यान जानेगरी भारतको गुजरातस्थित मोरबी नदीको पुल भत्किएको घटनाप्रति दुःख व्यक्त गरेका छन् ।

सोमबार सामाजिक सञ्जाल ट्वीटरमार्फत उनले घटनाप्रति दुःख व्यक्त गरेका हुन् । ‘गुजरातको मोरबीमा पुल भत्किएको घटनाप्रति म दुःखी छु । पुल भत्किदा भएको जीवनको क्षतिप्रति हामी भारत सरकार र जनाप्रति हार्दिक समवेदना व्यक्त गर्दछौं । हाम्रो साथ शोक सन्तप्त परिवारसँग छ,’ प्रधानमन्त्री देउवाले भनेका छन् ।

आइतबार साँझ करिब ६:४० बजे मोरबीमा माच्छु नदीमा रहेको २३० मिटर लामाे पुल भत्किदा १४१ जनाको मृत्यु भएको थियो । उक्त पुल ‍औपनिवेशिक समय १९औँ शताब्दीमा भारतमा ब्रिटिशहरूले शासन गर्दा बनाइएको थियो।

दुर्घटनाका बेला पुलमा ४०० जनाभन्दा बढी मानिस थिए । छठका समयमा पुलमा मानिसहरूकाे भीड लाग्ने गरिएकाे छ ।