निर्वाचनमा कुन कुन रंगकाे मतपत्र प्रयोग हुन्छ ?

१४ कात्तिक, काठमाडौं । मंसिर ४ मा हुन गइरहेको प्रतिनिधिसभा र प्रदेशसभा सदस्य निर्वाचनमा मतदानका लागि दुई रंगमा छापिएको मतपत्र प्रयोगमा ल्याउने भएको छ । निर्वाचनमा दुईवटा मतपत्र प्रयोगमा आउने जानकारी निर्वाचन आयोगले दिएको छ ।

आयोगका अनुसार प्रतिनिधिसभा र प्रदेशसभाको पहिलो हुने निर्वाचित हुने (प्रत्यक्ष) निर्वाचन प्रणाालीका लागि मतपत्रमा सेतो पृष्ठभूमिमा रातो रंगको निर्वाचन चिह्न र अन्य विवरण छापिएको हुनेछ ।

यसैगरी दुवै तहका समानुपातिक निर्वाचन प्रणालीको लागि मतपत्रमा सेताे पृष्ठभूमिमा कालो रंगको निर्वाचन चिह्न र अन्य विवरण छापिएको हुने आयोगले जनाएको छ ।