सीमान्तकृत बोटे समुदाय भन्छन व्यवस्था फेरियो, अवस्था फेरियन [ हेर्नुस भिडियोसहित ]

१४ कात्तिक, तानसेन ‘पाल्पा’ । पाल्पाका सीमान्तकृत बोटे समुदायले नेताहरु घरदैलोमा नआएको गुनासो गरेका छन् । पाल्पाको बगनासकाली ७ दैलातुङ्गमा बस्ने सीमान्तकृत बोटेमाझी समुदायको कालीगण्डकी नदीमा डुंगा तारेर, घरमा चुलो बल्थ्यो । अहिले कालीगण्डकी नदीमा पुल बनेपछि उनीहरुको डुंगा गण्डकी किनारमा फालिएको छ र यहाँका स्थानीयको आम्दानीको स्रोत बन्द भएको छ ।

बोटेहरूका धेरैजसो घर झुपडी र टिनको छाप्रोयुक्त छन् । उनीहरूलाई गरिखान पुग्ने जमिन छैन । करेसावारीमा उब्जाएको उत्पादनले खान पुग्दैन । आगामी मंसिर ४ मा हुने निर्वाचनमा आफुहरुको गास, बाँस र कपासको ग्यारेन्टी गर्ने नेतृत्व आओस भन्ने उनीहरु चाहन्छन् ।