राजेन्द्र लिङदेनकाे संकल्प : ‘बरु नष्ट हुन्छौं, भ्रष्ट हुँदैनौं’

१४ कात्तिक, काठमाडौं । राप्रपाले ४ मंसिरमा हुने प्रतिनिधिसभा र प्रदेशसभा सदस्य निर्वाचनका लागि चुनावी घोषणापत्र सार्वजनिक गर्दै ‘बरु नष्ट हुन्छौं, भ्रष्ट हुँदैनौं’ संकल्प गरेको छ ।

काठमाडौंमा सोमबार सार्वजनिक गरेको घोषणापत्रमा राप्रपाले सुशासन कायममा जोड दिएको छ । सोमबार पार्टीको चुनावी घोषणापत्र सार्वजनिक कार्यक्रममा राप्रपाका अध्यक्ष राजेन्द्र लिङदेनले भ्रष्टाचार गर्नुभन्दा बरु आफैं नष्ट हुने बताएका छन् । उसले यसअघि नै ‘भ्रष्टचार गर्नु भनेको आमाको रगत पिउनु सरह’ भएको तर्क अगाडि सारेर चर्चा बटुलेको थियो ।

उसले घोषण पत्रमा उच्चस्तरीय नागरिक आयोग गठन गरी २०४६ पछिका उच्चपदस्थ नेता तथा कर्मचारीहरुको सम्पत्ति छानबिन गरी अवैध सम्पत्ति जफत गर्ने कानुनी व्यवस्थाको प्रस्ताव गरिएको घोषणापत्रमा भ्रष्टाचारमुक्त, जवाफदेही तथा पारदर्शी शासन पद्दति व्यवहामा लागू गर्ने उल्लेख गरिएको छ ।