माओवादी केन्द्रको चुनावी घोषणा : ‘समृद्धिका लागि क्रम भंगता, प्रत्यक्ष निर्वाचित राष्ट्रपतीय व्यवस्था’ (पूर्णपाठ)

१४ कात्तिक, काठमाडठौं । सत्तारुढ दल नेकपा (माओवादी केन्द्र)ले संसदबाट निर्वाचित प्रधानमन्त्रीय व्यवस्थालाई हटाई अबदेखि जनताबाट प्रत्यक्ष निर्वाचित राष्ट्रपतीय व्यवस्थामा जाने संकल्प गरेको छ ।

अध्यक्ष प्रचण्डले सोमबार पार्टी केन्द्रीय कार्यालय पेरिसडाँडामा चुनावी घोषणापत्र सार्वजनिक गर्दै संघमा ५१ प्रतिशत मतद्वारा प्रत्यक्ष निर्वाचित कार्यकारी राष्ट्रपति र राष्ट्रपतिद्वारा गठित मन्त्रिमण्डल रहने व्यवस्थामा जाने प्रतिवद्धता जनाएका छन् ।

राजनीतिक स्थिरता, सरकारको आवधिक स्थायित्व, र समृद्धिको यात्रा तय गर्न राष्ट्रपतीय व्यवस्थामा जान माओवादीले जोड दिएको छ । संविधान निर्माणको प्रक्रियामा समेत नेपाली जनताले शासकीय पद्धति परिवर्तनको पक्षमा आफ्नो मत अभिव्यक्त गरिसकेकाले लोकतान्त्रिक गणतन्त्रलाई प्रभावकारी बनाउन संसद्लाई पूर्णरूपमा विधायन क्षेत्रमा केन्द्रित हुने गरी व्यवस्था गर्नुपर्नेमा जोड दिएको छ ।

यस्तै सातै प्रदेशमा संघमा जस्तै प्रत्यक्ष निर्वाचित प्रदेश प्रमुख र प्रदेश प्रमुखद्वारा मन्त्रिमण्डल रहने र विधान क्षेत्रमा मात्रै केन्द्रित प्रदेश सभा गठन गर्ने प्रस्ताव छ ।

पत्रमा संघमा १६५ सिटको प्रतिनिधि सभा र ५५ सिटको राष्ट्रिय सभा र ३३० सिटको प्रदेश सभा बनाउने, संघमा २५ जना मन्त्री नबढाई र प्रदेशमा कूल सांसदको १५ प्रतिशत नबढाई मन्त्रीको संख्या बनाउने यसअघिकै व्यवस्था कायम गरिएको छ ।

साथै उसले विकास र समृद्धिका लागि क्रम भंगताको नीति अपनाउने र त्यसनिम्ति सबैखाले विधि अवलम्बन गरिने समेत समेत संकल्प गरेको छ ।

हेर्नुहोस् घोषणापत्र :