काठमाडौंको न्युरोडमा एक पुरुष मृत फेला

१५ कात्तिक, काठमाडौं । काठमाडौंको न्युरोडमा एक पुरुष मृत अवस्थामा फेरा परेको छ । जुद्ध शालिक नजिकको एक मन्दिर परिसरमा आज बिहान शव फेला परेको हो ।

अन्दाजी ५५÷५६ वर्षको पुरुषको शव फेला परेको प्रहरीले जनाएको छ । टाउकोमा चोट रहेको अवस्थामा रहेको शवको सनाखत हुन बाँकी छ । प्रहरीका अनुसार उनी ज्याला मजदुरीको काम गर्दै आएका व्यक्ति हुन् ।

घटनास्थलमा लामो काठ पनि फेला परेकले हत्या भएको हुन सक्नेतर्फ अनुसन्धान भइरहेको प्रहरीले जनाएको छ ।
घटनास्थलमा उपत्यका अपराध अनुसन्धान कार्यालयको टोली घटनास्थल पुगेको छ ।