तोसिमा कार्कीको रिटमाथि सुनुवाई खाजापछि

१५ कात्तिक, काठमाडौं । निर्वाचन आयोगको निर्णय खारेजीको लागि अन्तरिम आदेशको मागसहित सर्वोच्च अदालतमा दायर डा. तोसिमा कार्कीको रिट निवेदनमाथि खाजापछि मात्र सुनुवाई हुने भएको छ ।

न्यायाधीश डा. कुमार चुडालको एकल इजलासमा पेसीको रोलक्रम १०औं नम्बरमा परेको छ । खाजा खाने समय भएकाले रिट सुनुवाइकाे क्रमलाई स्थगित गरेकाे र खाजापछि मात्र कार्कीको रिटमा सुनुवाई हुने सर्वोच्च प्रशासनले जनाएको छ ।

रिट निवेदक कार्कीले ललितपुर क्षेत्र नं. ३ बाट प्रतिनिधिसभाका लागि राष्ट्रिय स्वतन्त्र पार्टीबाट दर्ता भएको उम्मेदवार निर्वाचन आयोगले लाभको पदमा रहेर उम्मेदवार बन्न नपाउने जनाउँदै खारेज गरिदिएपछि खारेजी निर्णयलाई बदरको मागसहित गएको आइतबार सर्वोच्चमा रिट दायर गराएकी थिइन् ।

कार्कीको पक्षबाट वरिष्ठ अधिवक्ता भीमार्जुन आचार्य, सुरेन्द्र भण्डारी, अधिवक्ता दिनेश त्रिपाठी लगायतले बहस गर्दैछन् ।