तिलगंगामा बसको ठक्करबाट मोटरसाइकल चालकको मृत्यु

१५ कात्तिक, काठमाडौ । तिलगंगामा बसको ठक्करबाटबाट एक जनाको मृत्यु भएको छ भने एक जना घाइते भएकी छन् । बानेपा–धुलिखेल रुटको बा ४ ख ९३९६ नम्बरको बसले मंगलबार दिउँसाे बा ९३ ब ३१२० नम्बरको मोटरसाइकललाई ठक्कर दिँदा चालक माधव पौडेलको मृत्यु भएको काठमाडौं उपत्यका ट्राफिक प्रहरी कार्यालयले जनाएको छ ।

गम्भीर घाइते भएका उनको केएमसी अस्पताल सिनामंगलमा उपचारका क्रममा मृत्यु भएको हो । मोटरसाइकलमा सवार गंगा मगर भने घाइते भएको र उनको उपचार भइरहेको प्रहरीले जनाएको छ । दुर्घटनापछि बस चालक फरार छन् । उनको खोजी भइरहेको प्रहरीले जनाएको छ ।