विङगरको ठक्करबाट महिला ठहरै

♦ दीपक शर्मा

१५ कार्तिक, बर्दिया । विङरको ठक्करबाट बर्दियामा एक जना महिलाको मृत्यु भएको छ । बाँकेको नेपालगञ्ज बाट बर्दियाको राजापुर तर्फ जादै गरेको भे १ ज १११२ नम्वरको विङगरले पैदल यात्रु गुलरिया नगरपालिका ४ निवासी ४१ वर्षिय सुर्यकला राजीलाई ठक्कर दिँदा घटनास्थलमै मृत्यु भएको जिल्ला प्रहरी कार्यालय बर्दियाका सूचना अधिकारी एंव प्रहरी नायव उपरिक्षक हिक्मतबहादुर बोहराले जानकारी दिए ।

उनका अनुसार तिव्र गतिमा रहेको विङगरको ठक्करबाट पैदल यात्रुको मृत्यु भएपछि स्थानिय वासीले गुलरिया राजापुर सडक खन्ड केहि समय अवरुद्ध गरेका थिए । करिब ३० मिनेटको बन्द पछि सडक यातयात खुलेको पनि उनले बताए ।

गुलरियाको ववई क्याम्पस नजिदै भएको घटनामा चालक र विङगरलाई नियन्त्रणमा लिइएको प्रहरीले बताएको छ । ओभर स्पिड , कमजोर गाडी , कम उमेरका चालक , क्षमता भन्दा दोव्वर यात्रु राख्ने गरेका कारण पनि सडक दुर्घटना बढेको बताइएको छ ।