प्रभु बैंक लिमिटेडका ग्राहकलाई होटल मुस्ताङ ताज एण्ड थकाली किचेनमा आकर्षक छुट

१७ कात्तिक, काठमाडौं । प्रभु बैंक लिमिटेडका ग्राहकलाई होटल मुस्ताङ ताज एण्ड थकाली किचेनमा आकर्षक छुट हुने भएकाे छ । हाेटलका विभिन्न सेवाहरुमा छुट प्रदान गर्न बैंकका तर्फबाट जोम्सोम क्षेत्र प्रमुख नरेन्द्र थकाली र होटल मुस्ताङ ताज एण्ड थकाली किचेनका तर्फबाट प्रोप्राइटर योगेश शेरचनद्घारा उक्त सम्झौतामा हस्ताक्षर भएकाे हाे ।

प्रभु बैंक र उक्त होटल बिच सम्पन्न सम्झौता अनुसारप्रभु बैंकमा खाता खोली बैंकिङ्ग कारोबार गरिरहेका सम्पूर्ण ग्राहकहरुले होटल मुस्ताङ ताज एण्ड थकाली किचेनद्धारा सञ्चालित “फुड”,“वेभरेज” र “लजिङ्ग” सेवामा १० प्रतिशत छुट प्राप्त हुने भएको छ ।

याे सम्झौता अन्तर्गतहोटल मुस्ताङ ताज एण्ड थकाली किचेनमा सुविधा लिन चाहने प्रभु बैंकका ग्राहकहरुले प्रभु बैंकको डेबिट कार्ड, क्रेडिट कार्ड, मोबाइल बैंकिङ, इन्टरनेट बैंकिङ च्यानलहरु प्रयोग गरी भुक्तानी गर्दा,होटल मुस्ताङ ताज एण्ड थकाली किचेनका उल्लेखित सेवाहरुमा आकर्षक छुट प्राप्त हुने व्यवस्था मिलाईएको छ । यस सम्झौताबाट बैंकका सम्पूर्ण ग्राहक महानुभावहरु लाभान्वित हुने बैंकले विश्वास लिएको छ ।