सन्दीपविरुद्धको मुद्दा आज पनि हेर्दाहेर्दैमा

१७ कात्तिक, काठमाडौं । क्रिकेटर सन्दीप लामिछाने विरुद्ध नाबालिग बलात्कारसम्बन्धी मुद्दा हेर्दाहेर्दैमा राखिएको छ। आज लामिछानेको पक्षबाट अधिवक्ताहरु कृष्ण सापकोटा, सविता भण्डारी, सुवास पाठक र लव मैनाली र रमण श्रेष्ठले सन्दीपको तर्फबाट बहस गरेका थिए।

सन्दीपका पक्षमा बहस गर्ने वकिलहरुले बलात्कार नै नभएको, केटी बालिग रहेकोले सन्दीप निर्दोष रहेको जिकिर गर्दै साधारण तारेखमा रिहा गर्नुपर्ने दाबी गरेका थिए ।सन्दीपलाई बलात्कारको आरोप लगाउने किशोरीमाथि बालिग भएको प्रमाण नै पेश भएकाले नाबालिग भन्दै दायर भएको अभियोग नै खारेज हुनुपर्ने तर्क उनीहरूले गरेका थिए ।

बहस भोलि पनि चल्नेछ । बहस सकिएपछि अदालतले मुद्दा पूर्पक्षका लागि थुनामा पठाउने कि धरौटीमा रिहा गर्ने आदेश गर्नेछ। मुद्दामा बुधबार पनि वकिलहरुले बहस गरेका थिए । बहस नसकेपछि हिजो पनि हेर्दाहेर्दैमा परेकाे थियो ।