एफवान सफ्टले विकास गर्यो युजमाबाईल डटकम 

१८ कात्तिक, काठमाडौं । एफवान सफ्ट इन्टरनेशनले युज मोबाईल बैंकिङ डटकमको सुरुवात गरेको छ । यस वेबसाइटले मोबाईल बैंकिङ सँग परिचित गराउनथप मद्दत गर्नेछ । वेबसाइटमा एफवान सफ्टले सरल र सजिलो नेभिगेट तरिकाले विकास गरिएका सबै बैंकिङ अनुप्रयोगहरुका लागि ट्युटोरियलहरु (सन्दर्भ सामाग्री) छन् र तिनिहरुको प्रयोगको बारेमा जान्न चाहने कुनै पनि ग्राहकले वेबसाईटमा गएर आफ्नो मोबाईल बैंकिङ प्रयोगको ट्युटोरियल (सन्दर्भ सामाग्री) हेर्न सक्छन् ।

वेबसाईटमा मोबाईल बैंकिङ सम्बन्धी नविनतम तथ्य,तथ्यांक र डाटाका साथसाथै लेख, ब्लग र यस क्षेत्रका विशेषज्ञहरुका विचारहरु पनिनिरन्तर अपडेट गरिन्छ । युज मोबाईल डटकम एफवान सफ्ट इन्टरनेशनल द्धारा मोबाईल बैंकिङको प्रयोगलाई बढावा दिन र बानी बसाल्ने प्रयोग हो, जुनशहरी क्षेत्रहरुमा डेबिट कार्ड र नगदको तुलनामा बिस्तारै बैंकिङ र भुक्तानीको लोकप्रियमोड बन्दै गएको छ ।

एफवान सफ्टका प्रमुख कार्यकारी अधिकृत सवाश शर्माले भने“ मोबाईल बैंकिङ्गको ठुलो संभावना छ,र हामी मानिसहरुलाई टेक्नोलोजीसँगअझ बढि परिचित गराउन चाहान्छौँ , मोबाईल बैंकिङको प्रयोगमा धेरै वृद्धि देखिरहेको छ र हामीआशा गछौँ की युज मोबाईल बैंकिङ डट कमले मोबाईल बैंकिङ प्रयोग गर्न सहज बनाउन मद्धत गर्छ”

एफवान सफ्ट नेपालको सबैभन्दा ठुलो फिनटेक कम्पनी हो । जसको १८ वर्षभन्दा बढि समयदेखि डिजिटल फाइनान्स्मा केन्द्रित छ । कम्पनीले हाल एक हजार भन्दा दक्षजन शक्तिलाई रोजगारी दिँदै आएको छ । कम्पनीले ५० भन्दा बढि वित्तीय संस्थाहरुको बैंकिङ र वित्तीय संस्थाहरुको बैंकिङ अनुप्रयोगहरु निर्माण गरेको छ । युज मोबाईल बैंकिङ डटकम मोबाईल बैंकिङका प्रयोगकर्ताहरुसम्म सिधै पुग्ने पहिलो प्रयास हो । कम्पनीले आमप्रयोगकर्तालाई वेबसाईटमा जान र नविनतम समाचारहरुसँग अखबधिक रहनका लागि युज मोबाईल बैंकिङका सामाजिक सञ्जाल पछ्याउन आग्रह गरेको छ ।