आमाको हत्या आरोपमा छोरा पक्राउ

१८ कात्तिक, काठमाडौ । धारिलो हतियार प्रहार गरी आफ्नै आमाको हत्या गरेको अभियोगमा छोरालाई प्रहरीले पक्राउ गरेको छ ।सिन्धुपाल्चोक चौतारा साँगाचोकगढी नगरपालिका–३ घर भई कागेश्वरी मनोहरा नगरपालिका–८ गोठाटार बस्ने ३५ वर्षीय जयबहादुर तामाङलाई बिहीबार राति प्रहरीले पक्राउ गरेको हो ।

उनले आफ्नै आमा ७० वर्षीया फुलमाया तामाङको आफ्नै डेरा कोठामा जयबहादुरले खुकुरी प्रहार गरी आमाको हत्या गरेको प्रहरीले जनाएको छ । उक्त खबर प्राप्त हुनासाथ प्रहरी प्रभाग काँडाघारीबाट खटिएको प्रहरीले उनलाई पक्राउ गरेको हो ।