नयाँबजारबाट १० जना जुवाडे रंगेहात पक्राउ

२० कात्तिक, काठमाडौं । काठमाडौं महानगरपालिका-६ नयाँबजारबाट १० जना जुवाडे रंगेहात पक्राउ परेका छन् । नयाँबजारको गितान्जली चोक बस्ने राजेश श्रेष्ठको घरमा जुवातास खेलिरहेको अवस्थामा १० जनालाई प्रहरीले शनिबार बेलुका पक्राउ गरेको हो ।

पक्राउ पर्नेमा नागार्जुन नगरपालिका–१ बस्ने ४३ वर्षीय रोशन ठकुरी समेत १० जना छन् । श्रेष्ठको घरमा जुवातास खेलिरहेको भन्ने खबर प्राप्त हुनासाथ प्रहरी वृत्त लैनचौरबाट खटिएको प्रहरीले उनीहरूलाई २ लाख ४२ हजार रुपैयाँ, कौडा १६ वटा र मोबाइल ११ वटासहित पक्राउ गरेको हो ।