आमनिर्वाचनको अवधिभर सवारी लाइसेन्स आवेदन बन्द हुने

२० कात्तिक, काठमाडौं । आमनिर्वाचनको अवधिभर सवारी लाइसेन्स आवेदन बन्द हुने भएको छ । मंसिर ४ गते हुने प्रदेश र प्रतिनिधिसभा निर्वाचन अवधिभर सवारी लाइसेन्स आवेदन बन्द हुने यातायात व्यवस्था विभागले जनाएको हो ।

एक सुचना जारी गर्दै विभागले मंसिर १ गतेदेखि अनलाइनबाट हुने आवेदन प्रणाली बन्द हुने भएको जनाएको छ । आम निर्वाचनका लागि कर्मचारी खटिएकोले कार्यालयको सेवा प्रभावित हुने सुचना मार्फत जानकारी गराइएको छ ।

मंसिर १ गतेदेखि अर्को सूचना जारी नहुन्जेलसम्मका लागि अनलाइन आवेदन बन्द गरिएको विभागले जानकारी दिएको छ।