डा. शेखर कोइरालाकाे चुनावी संकल्पपत्र : तटबन्ध निर्माण र विराटनगर चक्रपथ संचालन प्राथमिकतामा

२० कात्तिक, काठमाडौं । नेपाली कांग्रेसका वरिष्ठ नेता डा. शेखर कोइरालाले आफ्नो संकल्पपत्र सार्वजनिक गरेका छन् । मोरङ क्षेत्र नम्बर ६ बाट प्रतिनिधिसभा सदस्य उमेदवार डा. कोइरालाले शनिबार ‘संविधानको रक्षा, राजनीतिक स्थिरता, सदाचारी एवं सक्षम संयन्त्र, असल शासन र समुन्नत नेपालका लागि मेरो संकल्प’ मुख्य नारा दिएर उनले संकल्पपत्र सार्वजनिक गरेका हुन् ।

संविधानको रक्षा, स्थायित्व र समुन्नतिको आधार, नेपाली कांग्रेसको नेतृत्वमा अबको सरकार’ मुख्य नारा बनाएर संकल्पपत्र सार्वजनिक गरेका हुन् । संकल्पत्रमा डा. कोइरालाले मोरङ क्षेत्र नम्बर ६ मात्र होइन राष्ट्रिय राजनीतिमा नेतृत्वदायी भूमिका निभाउन आफूलाई मत आवश्यक भएको उनले उल्लेख गरेका छन् ।

नेपाली कांग्रेसभित्र पुस्तान्तरण र रुपान्तरणका लागि मात्र लडिरहेको भन्दै मोरङको गौरवशाली इतिहास र परम्परालाई समेत निरन्तरता दिने वाचा गरेका छन् ।

‘आज जब म तपाईंहरुसँग विवेकको प्रयोग गर्नुहोस् भनी मतको अनुरोध गरिरहेको छु, तब म आधुनिक नेपालको इतिहास निर्माता बीपी कोइरालालाई सम्झिरहेको छु,’ संकल्पपत्रमा लेखिएकोक छछ, ‘बीपी जसलाई हामी सबै (सान्दाजु) भनी सम्बोधन गर्दथ्यौं, संयोगले म उहाँले नै चुनाव लड्नुभएको क्षेत्रमा भोट माग्न तपाईंहरुको घरदैलोमा आएको छु । यो त्यही क्षेत्र हो जहाँ गिरिजाप्रसाद कोइराला आफ्नो प्रतिनिधि छान्न मतदान गर्नुहुन्थ्यो ।’

संकल्पत्रमार्फत उनले आफ्नो निर्वाचन क्षेत्रको आर्थिक असमानता र गरिबीलगायत शुद्ध खानेपानी, ढल निकास, बिजुली, बाटो, स्वास्थ्य र शिक्षातर्फ पर्याप्त सुधार गर्ने प्रतिवद्धता जनाएका छन् ।

उनले बेरोजगारको समस्यालाई डरलाग्दो लिँदै त्यसलाई समाधान गर्न आफूले सक्दो भूमिका खेल्ने अटोठठ गरेका छन् । ‘युवा बेरोजगारीको समस्या डरलाग्दो छ । यसको सम्बोधन नगरी लोकतन्त्र स्थिर र उन्नत हुन सम्भव छैन । हाम्रा सम्मानित ज्येष्ठ नागरिकका लागि निःशुल्क स्वास्थ्य उपचारसँगै सबै नेपालीलाई राष्ट्रिय स्वास्थ्य बिमाको सुरक्षित खाकामा बाँध्ने कार्यक्रम हामी ल्याउँदै छौं’ संकल्पपत्रमा उल्लेख छ ।

गछिया, केशलिया (बुढी), सिगिंया नदीको कटान र बस्ती प्रवेश रोक्न बलियो तटबन्ध निर्माणलाई उच्च प्राथमिकतामा राखिने र विराटनगर विमानस्थलको स्तरोन्नति, मेडिकल कलेज यथाशीघ्र सञ्चालनमा ल्याउने र बिराटनगर चक्रपथको काम सम्पन्न गरी यथासक्य छिटो सञ्चालनमा ल्याउने प्रतिवद्धता जनाएका छन् । साथै संविधानको रक्षा, स्थायित्व र समुन्नतिको आधार, नेपाली कांग्रेसको नेतृत्वमा अबको सरकार’ उल्लेख गरिएको छ ।

हेर्नुस संकल्पपत्रको पूर्णपाठ :