विभिन्न प्रस्ताव पारित गर्दै कुमारी बैंकको बाईसौं बार्षिक साधारण सभा सम्पन्न

२२ कात्तिक, काठमाडौं । कुमारी बैंक लिमिटेडको बाईसौं बार्षिक साधारण सभा सोमबार सम्पन्न भएको छ । सभा बैंकको कार्यालय नक्साल,काठमाण्डौंमा संचालक समितिका अध्यक्ष अमिर प्रताप ज.ब. राणाको अध्यक्षतामा सम्पन्न भएको हो ।

सभाबाट सामान्य प्रस्तावको रुपमा पेश गरिएको आ.ब. २०७८–७९ को संचालक समितिको वार्षिक प्रतिवेदन, लेखा परीक्षण प्रतिवेदन सहित आ.ब. २०७८–७९ आषाढ मसान्त सम्मको वासलात, नाफा–नोक्सान हिसाब लगायतका वित्तीय विवरण र आ.ब.२०७९–८० को लागि वाह्य लेखा परीक्षक नियुक्ति तथा निजको पारिश्रमिक तोक्ने प्रस्ताव पारित गरियो भने बैंकका शेयरधनीहरुलाई कर प्रयोजन सहित चुक्ता पूँजीको १२.५०% (बाह्र दशमलव पाँच प्रतिशत) नगद लाभांश वितरण गर्ने प्रस्ताव पारित गरिएको बताइएको छ ।

१९९ शाखा र ३४ एक्सटेन्सन काउण्टर) तथा १९५ वटा एटिएम मार्फत ग्राहकहरुलाई विविध प्रकारका नवीनतम् एवं आधुनिक उत्पादन र सेवा प्रदान गर्दै आएको कुमारी बैंकले वित्तीय बजारमा विशिष्ट स्थान बनाउन सफल भएको छ । बैंकको आ.व.२०७८–७९ मा चुक्ता पूँजी रु. १४ अर्व ७१ करोड भन्दा बढी रहेको छ भने आ.व.२०७९–८० को प्रथम त्रैमाससम्म निक्षेप रु.१ खर्व ७३ अर्व र कर्जा, सापटी तथा अधिविकर्ष रु.१ खर्व ६१ अर्व तथा नाफा रु. १ अर्ब १४ लाख रहेको छ ।

बैंकले आफ्ना सम्पूर्ण ग्राहकवर्ग, संस्थापक तथा सर्वसाधारण शेयरधनी, संचार जगत, बैंकसंग सम्बन्धित विभिन्न सरकारी एवं नियमनकारी निकाय तथा सम्पूर्ण कर्मचारी वर्गको अहिले सम्म प्राप्त सहयोग, सदभाव तथा विश्वास आगामी दिनमा पनि निरन्तर रहिरहने अपेक्षा राख्दै आगामी दिनमा ग्राहकहरुलाई अझ छिटो, छरितो र सरल बैकिङ्ग सेवा दिने क्रम जारी रहने प्रतिबद्घता जनाएको छ ।