गाउँपालिकाले दियो कृषकलाई अनुदानमा हाते ट्याक्टर

◊ शिवजी मण्डेल

२२ कात्तिक, बझाङ । बझाङको थलारा गाउँपालिका कृषि शाखाले हाते ट्याक्टर वितरण गरेको छ। खेतीपाती लगाउने समय सुरु भएसँगै कृषि विकास शाखाले कृषकलाई ७५ प्रतिशत अनुदानमा सोमबार हाते ट्याक्टर वितरण गरेको हो।

गाउँपालिकाका ९ वटै वडामा एकएक हाते ट्याक्टर वितरण गरिएको जनाईएको छ। गाउँपालिकामा रहेको कृषियोग्य जमिनलाई मध्येनजर गर्दै हाते ट्याक्टर वितरण गरिएको कृषि शाखा प्रमुख तेजबहादुर ओलीले बताए।

गाउँपालिकामा दर्ता भएका कृषि समुहलाई ९ एचपी को ५ र ७ एचपीको ४ को चार वटा ट्याक्टर गरि प्रत्येक वडामा एकएक ट्याक्टर वितरण गरिएको छ । हाते ट्याक्टर ९ एचपीको ९० हजार र ७ एचपीको ८० हजारमा खरिद गरिएको पालिकाले जनाएको छ । उक्त ट्याक्टर खरिदका लागि पालिकाले ७५ प्रतिशत र कृषि समुहले २५ प्रतिशत लगानी गरेको छ ।

कृषिलाई आधुनिकिकरण तथा यन्त्रीकरण गरि खेतीपातीमा सहजता ल्याउने उदेश्य ट्याक्टर वितरण गरिएको कृषि शाखा प्रमुख ओलीले बताए ।