उम्मेदवार खतिवडामाथि आक्रमण गर्ने खडका रिहा

२३ कात्तिक, हेटौंडा । मकवानपुर क्षेत्र नं. २ बाट गठबन्धनका उम्मेदवार विरोध खतिवडामाथि आक्रमणा गर्ने हेटौंडा–२ का पुरुषोत्तम खड्का रिहा भएका छन् । उम्मेदवार खतिवडाको आग्रहमा आक्रमणकारी खडकालाई प्रहरीले बुधबार दिउँसो रिहा गरेको हो । उनलाई मनहरी गाउँपालिका–४ बाट मंगलबार पक्राउ गरेको थियो ।

चुनावी सभामा पुगेका बेला खविडामाथि खडकाले आक्रमण गरेका थिए । लगत्तै उनलाई प्रहरीले पक्राउ गरी हिरासतमा राख्दै आएको थियो । आफूलाई आक्रमण गरेपछि प्रहरीको नियन्त्रणमा रहेका खड्कालाई कुनै कारबाही नगरी रिहा गरिदिन उम्मेद्वार खतिवडाले आजै मकवानपुरका प्रहरीसँग आग्रह गरेका थिए ।

खड्कालाई आफन्तलाई जिम्मा लगाई हिरासतमुक्त गरिएको मकवानपुरका प्रहरी प्रवक्ता टेकबहादुर कार्कीले जानकारी दिए ।