मोरङ ३ ‘क’ मा उम्मेदवारको मनोनयन दर्ता बिहीबार

२३ कात्तिक, मोरङ । निर्वाचन आयोगले मोरङ क्षेत्र नम्बर ३ को प्रदेश सभा क्षेत्र ‘क’ मा चुनावका लागि नयाँ कार्यतालिका सार्वजनिक गरेको छ। प्रदेश १ का वनमन्त्री समेत रहेका यस क्षेत्रका नेपाली कांग्रेसका उम्मेदवार शेखरचन्द्र थापाको आज निधन भएपछि यो क्षेत्रमा फेरि उम्मेदवारको मनोनयनका लागि कार्यतालिका गरिएको हो ।

कात्तिक २४ गते बिहान १० बजेदेखि दिउँसो १ बजेसम्म मनोनयन दर्ता गर्ने समय दिइएको आयोगद्वारा आज जारी सूचनामा जनाइएको छ । उम्मेदवारको मनोनयन पत्र दर्ता भएको सूची कात्तिक २४ गते अपरान्ह ४ बजेभित्र प्रकाशित गरिने र उम्मेदवारको विरोधमा कात्तिक २४ गते अपरान्ह ४ बजेपछि ५ बजेसम्म सूचना दिन सकिने जनाइएको छ ।

उम्मेदवारको नामावली फिर्ता कात्तिक २५ गते र उम्मेदवारको अन्तिम नामावली प्रकाशन सोहही दिन अपरान्ह ३ बजेसम्म हुनेछ। उम्मेदवारलाई कात्तिक २५ गते अपरान्ह चिन्ह दिइने सूचनामा उल्लेख छ ।