तोसिमालाई चुनाव प्रचारमा घण्टी बोक्न रोक लगाएको छैन : निर्वाचन आयोग

२३ कार्तिक, काठमाडौं । ललितपुर ३ मा राष्ट्रिय स्वतन्त्र पार्टीबाट प्रतिनिधि सभा सदस्यकी उम्मेदवार डा. तोसिमा कार्कीलाई घण्टी लिएर प्रचार–प्रसार गर्न रोक नलगाएको बताएको छ ।

सञ्चारमाध्यममा कार्कीलाई आयोगले घण्टी बजाएर प्रचार गर्न रोकेको समाचार प्रकाशित भएपछि आयोगले कुनै निर्देशन नदिएको प्रस्ट पारेको हो । सञ्चारमाध्यमले कार्कीलाई आयोगले घण्टी लिएर प्रचार गर्न रोकेको समाचारप्रति ध्यानाकर्षण भएको समेत जनाएको छ ।

यसअघि आयोगले कार्की मेडिकल काउन्सिलको सदस्य भएर सरकारी सुविधा लिएको भन्दै उनको उम्मेदवारी खारेज गरेको थियो । आयोगको निर्णयविरुद्ध कार्कीले सर्वोच्च अदालतमा गरेकाे रिटमा खाेरजी निर्णय तत्काल कार्यान्वयन नगर्न भन्दै आयोगको नाममा अन्तरिम आदेश दिएको थियो । आदेशपछि कार्की चुनाव प्रचारमा हाेमिएकी छन् ।