कांग्रेसले मोरङ–३ ‘क’ मा लिम्बुलाई टिकट दिने

२४ कात्तिक, मोरङ । मोरङ क्षेत्र नं. ३ ‘क’ को प्रदेशसभा सदस्यका लागि नेपाली कांग्रेसले मानबहादुर लिम्बुलाई टिकट दिने भएको छ । उनी बेलबारी ८ का बासिन्दा लिम्बू नेपाली कांग्रेस केन्द्रीय महाधिवेशन प्रतिनिधि तथा नेविसंघ मोरङका पूर्वसभापति हुन् ।

उक्त क्षेत्रका सत्ता गठबन्धनको तर्फबाट उम्मेदवार तथा प्रदेश १ का वन, वातावरण तथा भू–संरक्षणमन्त्री शेखरचन्द्र थापाको डेंगी संक्रमणबाट मंगलबार मृत्यु भएपछि निर्वाचन आयोगले काग्रेसलाई नयाँ उम्मेदवारको मनोनयनका लागि आज १० बजेदेखि १ बजेसम्मका लागि समय दिएको थियो ।

लिम्बुले टिकट पाएको कुरा नेपाली कांग्रेस प्रदेश १ का उपसभापति रमेशजंग रायमाझीले पुष्टि गरेका छन् । लिम्बू ‘मनोनयन दर्ता गर्ने तयारीमा लागेका छन् । यस क्षेत्रमा एमालेबाट दिलिप राई उम्मेदवार छन् ।