आगो ताप्दा जलेर नाै वर्षीय बालकको मृत्यु

२४ कात्तिक, तनहुँ । यहाँकाे भिमाद नगरपालिकामा आगो ताप्ने क्रममा जलेर एक ९ वर्षीय बालकको मृत्यु भएको छ ।

मृत्यु हुनेमा भिमाद नगरपालिका–७ अर्चलेका सुभाष थापा रहेको जिल्ला प्रहरी कार्यालय तनहुँका प्रवक्ता युवराज खड्काले जानकारी दिए ।

२१ गते बेलुकी भान्सा कोठामा आगो ताप्ने क्रममा शरिरको बिभिन्न भागमा पोली घाइते भएका उनलाई परिवारले उपचारका लागि पश्चिम क्षेत्रीय अस्पताल पोखरा लगेका थिए ।

पोखरामा उपचारका क्रममा गएराति बालकको मृत्यु भएको हो । घटना सम्बन्धमा थप अनुसन्धान भइरहेको प्रहरीले जनाएको छ ।