डोटीमा भूकम्पपछि तीन सय पराकम्प

२६ कात्तिक, काठमाडौं । डोटीमा मंगलबार राति गएको ६ दशमलब ६ म्याग्निच्युडको भूकम्पपछि त्यस आसपास क्षेत्रमा अहिलेसम्म ३०० भन्दा बढी परकम्प गएका छन् ।

आज बिहीबार बिहान ८ बजेसम्ममा ३०० परकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।पछिल्लोपटक आज बिहान ५ बजेर १३ मिनेट जाँदा बाजुरामा केन्द्रविन्दु भएर ४.१ म्याग्निच्युडको परकम्प गएको केन्द्रका सहायक प्राविधिक राजेश शर्माले जानकारी दिए ।

यसअघि डोटीमा बुधबार बिहान सवा २ बजेतिर मानवीय क्षति हुने गरी ६.६ म्याग्निच्युडको भूकम्प गएको थियो । उक्त भूकम्पले घर भत्किंदा ६ जनाको मृत्यु भएको छ । दर्जनौं घाइते भएका छन् । १० घर पूर्ण रुपमा भएका छन् ।