मोरङ ३ ‘क’ मा मानबहादुर लिम्बूकाे मनोनयत दर्ता

२४ कात्तिक, मोरङ । मोरङ क्षेत्र नम्बर ३ को प्रदेश सभा १ मा नेपाली कांग्रेसका नेता मानबहादुर लिम्बुले मनोनयन दर्ता गराएका छन् । यो क्षेत्रका उम्मेदवार शेखरचन्द्र थापाको निधन भएपछि नेपाली कांग्रेसले उनको स्थानमा बेलबारी नगरपालिका– ८ का लिम्बुलाई टिकट दिएसँगै्र बिहीबार मनोनयन दर्ता गराएका हुन् ।

लिम्बुले समर्थक र शुभेच्छुकको एक हुलसहित गएर निर्वाचन अधिकृतको कार्यालयमा मनोनयन दर्ता गरे हुन् । निर्वाचन आयोगले निधन भएर खाली रहेको उम्मेदवारको ठाउँमा नयाँ उम्मेदवारको मनोनयन दर्ता गर्न कांग्रेसलाई आज १ बजेसम्मको समय दिएको थियो ।

उम्मेदवार लिम्बु नेपाली कांग्रेस केन्द्रीय महाधिवेशन प्रतिनिधि हुन् । उनलाई सत्तारुढ दल माओवादी केन्द्र, एकीकृत समाजवादी लगायतको समर्थन रहेको छ । आउँदो मंसिर ४ मा प्रतिनिधसिभाभ र प्रदेशसभाको निर्वाचन हुँदैछ ।

यसअघिका उम्मेदवार तथा प्रदेश १ का वन, वातावरण तथा भू–संरक्षणमन्त्री शेखरचन्द्र थापाको बुधबार निधन भएको थियो । यो क्षेत्रमा नेकपा एमालेबाट दिलिप राईसहित अब ६ जना उम्मेदवार छन् ।