बीरगञ्ज रक्सौलका सीमा प्रहरीबीच छलफल, निर्वाचन लक्षित सुरक्षा व्यवस्था कडाई गरिने

२४ कात्तिक, बीरगञ्ज ।  बीरगञ्ज निर्वाचनका समयमा सीमा क्षेत्रमा हुन सक्ने अपराधिक क्रियाकलापलाई नियन्त्रण गर्न नेपाल भारत दुबै तर्फ सुरक्षा जाँचलाई कडाई गरिने भएको छ । नेपाल भारत सीमा क्षेत्रका प्रहरी अधिकारीको बीरगञ्जमा सम्पन्न बैठकले निर्वाचनको समयमा खुला सीमाको फाइदा उठाउँदै हुनसक्ने अपराधिक कृयाकलापलाई नियन्त्रण गर्न सुरक्षा जाँचमै कडाई गर्नु पर्नेमा उनीहरु पुगेका हुन् ।

यसका लागि दुबै देशका प्रहरीबीच सहयोग आदन प्रदान गरेर सुरक्षा व्यवस्था चुस्त पार्न लागि पर्ने दुबै देशका प्रहरी अधिकारीहरु सहमत भएका छन् । निर्वाचनको समयमा विभिन्न अपराधिक गतिविधिका साथै तस्करहरुले फाइदा उठाउन सक्ने अवस्था आउने भएकाले ती सबैलाई नियन्त्रण गर्न दुवै देशका सीमा प्रहरीहरु चनाखो बन्नु पर्ने बैठकले निष्कर्ष निकालेको छ ।

वडा प्रहरी कार्यालय विर्तामा पहिलो पटक नेपाल र भारतका सीमा क्षेत्रका प्रहरी प्रमुखहरुको बैठक बसेको हो । विर्ताका प्रमुख प्रहरी निरीक्षक विशाल मल्लको नेतृत्वमा बसेको बैठकमा सीमा प्रहरी चौकी नगवा, इनर्वा, छपकैया, सिर्सिया, इनर्वागाँउ र भारत बिहार राज्य, रक्सौल प्रहरी कार्यालयका तर्फबाट उप क्षेत्रीय पुलिस अफिस रक्सौलका एसपी चन्द्र प्रकासको नेतृत्वमा रक्सौल, अदापुर, महुवा, हरपुर, भेलही र हरैया थानाका थाना प्रभारीहरुको सहभागिता रहेको थियो ।