नेपालगञ्जमा बम विष्फोट हुँदा दुई जना घाइते, खुल्ला सीमानाका कारण थप चुनौति

♦ दीपक शर्मा

१ मंसिर, बाँके । निर्वाचनको मिति नजिकिदै गर्दा सुरक्षा चुनौति पनि थपिदै गएको छ । पछिल्लो पटक निर्वाचन बहिष्कार गर्ने पाटी तथा समुहले आतंक सृजना गर्ने सक्ने भन्दै प्रहरी चनाखो भएपछि बाँकेमा भने ठुलो दुर्घटना हुनबाट जोगीएको छ ।

नेपालगञ्ज बजार दिनभर व्यस्त बजार बेलुकी पख पनि बजारमा सामान्य चहल पहल भैरहेको हुन्छ तर चिसो सुरु भएसगै बेलकी बजार भने सुनसान हुने गरेको छ । यस्तै सुनसानकैबीच बुधवार बेलुकी करिब ८ वजेतिर नेपालगञ्ज उपमहानगरपालिका १० जनस्वाथ्य कार्यलय नजिकै नेपालगञ्ज बजार नै थर्कमान हुने गरी ठुलो विस्फोट भयो । विस्फाटेमा परी दुइ जना घाइते भए ।

स्थानिय दिवाकर विक्रम मल्लको घरमा विस्फाट भएलगत्तै शरिर भरी रगत भएको अवस्था दुइ जना युवा चिच्याउदै बाहिर निस्किए तत्कालै प्रहरीलाई खवर गरियो प्रहरी घटनास्थल आइपुग्यो । प्रहरीले घाइते अवस्थामा रहेका दुइ जनालाई अस्पताल लग्यो । विस्फोट भएको सूचना आएपछि प्रहरीले घटनास्थलको अध्ययन पछि थप केहि विस्फोटक पदार्थ हुन सक्ने भन्दै घटनास्थल नियन्त्रण लियो ।

विस्फोट भएको कोठामा प्रहरी पुग्दा आफै अचम्ममा परेको बाँके प्रहरी उपरिक्षक श्यामकृष्ण अधिकारीले बताए । उनका अनुसार सो कोठामा प्रेसर कुकर बम विस्फोट भएको थियो । एउटा तयारी अवस्थामा थियो भने अर्को बनाउने क्रममा विस्फोट भएको उनले बताए । तयारी अवस्थामा रहेको प्रेसर कुकर बम नेपाली सेनाले डिस्फोज गरेको थियो ।

अर्को कुकर बम बनाउने क्रममा प्रेसर कुकर विस्फोटबाट विप्लपका जिल्ला नेता डिल्ली डिसी र अर्का धर्मराज बडुवाल घाइते भएका छन । घाइते दुवै जनाको भेरी अञ्चल अस्पतालमा उपचार भैरहेको छ ।

प्रहरी उपरिक्षक श्यामकृष्ण अधिकारीका अनुसार निर्वाचनलाई लक्षित गर्दे नेपालगञ्जका विभिन्न स्थानमा विस्फोट गराउने मनसायले योजना बनाएको हुन सक्ने बताए ।

घटना पछि नेपालगञ्जको सुरक्षा व्यवस्था थप कडा पारिएको छ । कोठामा प्रेसर कुकर बम बनाउनका लागी तयारी अवस्थामा राखिएका थप ६ वटा प्रेसर कुकर , वारुद लगायतका ठुलो मात्रामा विस्फाटक सामाग्री पनि फेला पारिएको छ ।

भारत संग सीमा जोडिएको बाँकेको यो घटनाले सुरक्षा माथि थप चुनौति दिएको छ । खुल्ला सिमानाका कारण यस्ता निर्वाचन विरोधि गतिविधिलाई नजिकबाट नियालि रहेको प्रहरीको भनाई रहेको छ ।