‘फर्जी’ मतदाताबारे विवाद बढेपछि दार्चुलाको शैल्यशिखरमा झडप, ३ राउण्ड हवाई फायर

४ मंसिर, दार्चुला । दार्चुलाको शैल्यशिखर नगरपालिका-५ स्थित एउटा केन्द्रमा विवादले उग्र रुप लिएपछि सुरक्षामा तैनाथ सुरक्षाकर्मील हवाई फायर गरेको छ । हवाई फायरपछि अहिले मतदान रोकिएको छ । मतदान सुचारु गर्न दलहरुबीच सर्वदलीय बैठकका लागि पहल भइरहेको छ ।

मतहाल्न पुगेका एक जना मतदाताको मत पहिल्यै अरुले हालेको पाएपछि भएको समान्य विवादका क्रममा प्रहरीले सम्झाउने क्रममा एक जना महिलाको टाउकोमा चोट लागेपछि  झडपले उग्र रुप लिए को थियो ।

त्यसपछि स्थानीयबासिन्दाले आक्रोशित हुँदै ढुंगामुठा गर्न थालेको र थप आक्रमण रोक्न ३ राउण्ड हवाई फायर गर्नु परेको प्रहरीले जनाएको छ ।