दाङको पातु वनगाउँ मावि केन्द्रमा समय थपियो, बेलुकी ७ बजेसम्म मत हाल्न पाइने

४ मंसिर, दाङ । दाङको तुलसीपुर उपमहानगरपालिका १० को पातु बवगाउँ माविको ‘ग’ केन्द्रमा बेलुकी ७ बजेसम्म मतदान हुने भएको छ । दाङ क्षेत्र नम्बर ३ मा पर्ने तुलसीपुर–१० को पातु वनगाउँ केन्द्रको मतदानस्थल ‘ग’ मा रोकिएको मतदान दिउँसो १ बजेपछि सुरु भएको हुँदा यो मतदान केन्द्रमा समय थपिएको हो ।

यो मतदान केन्द्रमा भोट हालेर गएका मतदातालाई फेरि बोलाएर मतदान सुरु गरिएको हुँदा मतदाता नछुटुन् भनेर बेलुका ७ बजेसम्म मतदानको समय थपिएको बताइएको छ ।

पहिले खसेको ९१ मत बदर गर्ने सहमतिपछि फेरि मतदान सुरु भएको थियो । दलहरूका बीचमा भएको सहमतिअनुसार पहिले खसेका सबै ९१ मत बदर गरिएको हो ।