बाजुरामा सुरक्षाकर्मीकाे गोली लागेर घाइतेमध्ये एकको मृत्यु

४ मंसिर, काठमाडौं । बाजुराको त्रिवेणी नगरपालिका–७ स्थित दम्था मतदानस्थलमा सुरक्षाकर्मीले चलाएको गोली लागेर घाइते २५ वर्षीय सञ्जिव ऐडीको ज्यान गएको छ । छाती र कम्बरमा गाेली लागेका एैडीकाे घटनस्थलमै मृत्यु भएकाे हाे ।

ऐडीको शव अहिले मतदान स्थलमा रहेको विद्यालयमा कडा सुरक्षासाथ राखिएको बताएका छन् । गाेली प्रहारमा युवककाे मृत्युपछि स्थानीय आक्राेशित बनेका छन् ।

अन्य घाइतेहरुमा स्थानीय पर्शुराम पाध्याया र खडक ऐडी छन् । घाइतेलाई अहिले नेपाली सेनाको हेलिकप्टरबाट काठमाडौं लगिएको छ ।उक्त मतदान केन्द्रमा अहिले मतदान रोकिएको छ। दलहरुबीच सर्वदलीय बैठक बस्नेबारे पहल भइरहेको जनाएकाछन् ।