चुनावी इखमा भएको आक्रमणबाट बाजुरामा विद्यार्थी नेताको मृत्यु

५ मंसिर, काठमाडौं । बाजुरामा चुनावी इखमा भएको आक्रमणबाट एक विद्यार्थी नेताको हत्या भएको छ । आइतबार दिउँसो मतदानका क्रममा भएको विवादको इखमा राति घरमा गएर गरिएको आक्रमणबाट त्रिवेणी नगरपालिका-७ का बासिन्दा नेत ऐडीको मृत्यु भएको हो ।

वडा नम्बर ७ को नाटेश्वरी मतदान केन्द्रमा भएको विवादको निहुँमा एक समूहले घरमै पुगेर कुटपिट गर्दा सख्त घाइते भएका ऐडी उपचारका क्रममा बयलपाटा अस्पतालमा मृत्यु भएको बाजुरा प्रहरीले जनाएको छ । ऐडी नेकपा (एमाले) संवद्ध अनेरास्ववियु सुदूरपश्चिम विश्वविद्यालयका अध्यक्ष हुन् ।

मतदानका क्रममा एमाले र कांग्रेसका कार्यकर्ताबीच भएको विवादका क्रममा प्रहरीले चलाएको गोली लागेर स्थानीय २५ वर्षीय कांग्रेस कार्यकर्ता सुरेन्द्र ऐडीको ज्यान गएको थियो।