दाङ क्षेत्र नम्बर ३ को मतगणना सुरु, दीपक र कोमलमा कसले मार्ला बाजी ?

५ मंसिर, काठमाडौं । दाङ क्षेत्र नम्बर ३ को मतगणना सुरु भएको छ । केहिबेर अघि देखि मतगणना सुरु भएको हो । यो क्षेत्रमा सत्तागठबन्धनका दीपक गिरी र एमालेकी कोमल ओलीबिच मुख्य प्रतिस्पर्धा छ ।

दीपक गिरी दाङका पूराना राजनीतिक खेलाडी हुन् । साढे चार दशकदेखि अविरल राजीतिमा सक्रिय रहँदै आएका छन् ।  सञ्चारकर्मी र गायिकाको रूपमा चर्चित कोमल वली राप्रपा हुँदै एमालेमा आइन्। पाँच वर्षअघिको निर्वाचनमा उनी एमालेको समानुपातिक सूचीमा परेकी थिइन्। तर सांसद हुन पाइनन्। पछि उनलाई राष्ट्रियसभा सदस्य बनाइएको थियो ।

उनी अहिले कांग्रेसका केन्द्रीय नेता दीपक गिरीलाई टक्कर दिन दाङको क्षेत्र नम्बर ३ मा आइपुगेकी हुन्। यसैगरी दाङ १ र दाङ २ को मतगणना पनि केहिबेरमा सुरु हुँदै छ ।