बाँके ३ मा एमालेको अग्रता, गठबन्धनका उम्मेदवार राठौर पछिपछि

♦ दीपक शर्मा

५ मंसिर, बाँके । बाँके र बर्दियामा साेमबार दिउँसाे २ बजेबाट प्रतिनिधिसभा सदस्यकाे मतगणना सुरु भएको छ । बाकेको क्षेत्र न ३ मा नेकपा एमालेका किस्मत कक्षपतिले जारी मत गणानामा लिड गरिरहेका छन । उनलाई गठबन्धनका उम्मेदवार नेपाली कांग्रेसका किशोरसिंह राठौरले पछयाइरहेका छन ।

हाल सम्म ३ हजार ९ सय २९ मत गनणा हुदा नेकपा एमालेले १ हजार ८ सय १६ र नेपाली कांग्रेसका राठौरले १ हजार २ सय ४ मत प्राप्त गरेका छन । बाँके क्षेत्र न २ मा राप्रपाका धवलशम्शेर राणाले अग्रता लिएका हुन् ।

२ हजार ३ सय मत गणना हुदा राणाले १ हजार ८ सय , जसपाका मोहम्मद इश्तियाक राईले ४ सय ४ र गठबन्धनका तर्फ बाट नेपाली कांग्रेसका सुदिप राणाले ९४ मत ल्याएका छन । यता बर्दियामा भने मतगणना भर्खर सुरु भएको छ ।