बर्दियाको २ वटै निर्वाचन क्षेत्रमा रेशम चौधरीको पार्टीको अग्रता

♦ दीपक शर्मा

६ मंसिर, बर्दिया । प्रतिनिधिसभा तथा प्रदेशसभा निर्वाचनको मतगणना जारी रहँदा बर्दियाका २ वटै क्षेत्रमा गठबन्धनका उम्मेदवार पछाडी परेका छन । बर्दिया क्षेत्र न १ र २ मा नागरिक उम्मुक्ति पाटिले अग्रता लिएको छ ।

क्षेत्र न १ मा नागरिक उम्मुक्ति पार्टिका ठाकुरसिंह थारुले ६ हजार २ सय मत ल्याउदै लिड गरिरहदा गठबन्धनको तर्फ बाट नेपाली कांग्रेसका सञ्जय गौंतमले ५ हजार ३ सय ४६ मत ल्याएर पछयाउदै छन । उता नेकपा एमालेका लक्ष्मणराज ज्ञवालीले ४ हजार ४० मत ल्याएका छन् ।

राष्ट्रिय स्वतन्त्र पार्टिका प्रवेश भुषालले १ हजार ७ सय ६३ मत ल्याउनु भएको छ । क्षेत्र न २ मा पनि गठबन्धनका उम्मेदवार नेकपा माओवादी केन्द्रका सुरेश पन्थ स्वतन्त्र उम्मेदवार लालविर चौधरी भन्दा पछाडि परेका छन ।

नागरिक उम्मुक्ति पार्टिको समर्थन पाएका स्वतन्त्र उम्मेदवार लालविर चौधरीले १६ हजार ४ सय ५८ मत ल्याउदा गठबन्धनका तर्फ बाट नेकपा माओवादी केन्द्रका शुरेस पन्थले १० हजार ८ सय ९३ र नेकपा एमालेका पंकज सिंह राठौरले ६ हजार ५ सय ५५ मत ल्याएका छन,भने राप्रपाका विनय रावलले ३ हजार ३ सय ३८ मत ल्याएका छन् ।