सीके राउतको जनमत पार्टीले प्रदेशमा खाता खोल्यो, सप्तरी १ (क) र २ (ख)मा विजय हासिल

६ मंसिर, काठमाडौं । चन्द्रकान्त (सिके) राउत नेतृत्वको जनमत पार्टीले मधेस प्रदेसमा खाता खोलेको छ । मधेस प्रदेशसभा अन्तर्गत सप्तरी २ को (क)मा जनमत पार्टीका सतिशकुमार सिंह विजयी भएका छन् ।

उनले जसपाका शैलेन्द्र साहलाई पराजित गरेका छन् । साह मधेश प्रदेशका अर्थमन्त्री हुन् । विजयी सिहं तिलाठी कोइलाडी गाउँपालिकाका पूर्वअध्यक्ष पनि हुन् ।

गएको वैशाखमा भएको स्थानीय निर्वाचनमा भने उनी लोसपाबाट अध्यक्ष पदमा लडेका थिए । तर उनी पराजित भए । त्यसपछि जनमत पार्टी प्रवेश गरेका उनलाई जनमतले प्रदेशसभा सदस्यमा टिकट दिएको थियो ।

राउतलाई विखण्डकारीको आरोप लाग्दै आएको छ । राउत केही वर्षसम्म भूमिगत जीवन बिताएका केपी ओली नेतृत्वको तत्कालीन सरकासँग सम्झौता गरेर खुला राजनीतिमा आएका थिए ।

यस्तै, सप्तरीकाे २ (ख)मा पनि जनमत पार्टीकै उम्मेदवार विजयी भएका छन् । यहाँ जनमत पार्टीका महेश यादव १३ हजार ३२५ मत ल्याएर विजयी भएका हुन् । उनले माओवादी केन्द्रकी उम्रश यादवलाई पराजित गरेका छन् ।