सुर्खेत-२ बाट थानी र पर्सा-४ बाट कांग्रेसका रिजाल विजयी

७ मंसिर,काठमाडौं । मंसिर ४ मा सम्पन्न प्रतिनिधि र प्रदेशसभा निर्वाचनको मत गणाना जारी छ । विभिन्न निर्वाचन क्षेत्रबाट प्रतिनिधिहरु निर्वाचित भइरहेका छन् । यसै क्रममा सुर्खेत–२ बाट प्रतिनिधिसभा सदस्यमा नेपाली कांग्रेसका हृदयराम थानी निर्वाचित भएका छन् ।

थानी ३४ हजार ६२५ मतसहित विजयी भएका हुन् । उनका निकटतम् प्रतिस्पर्धी एमालेका अमृतबहादुर बुढा क्षेत्रीले २९ हजार ५५८ मत प्राप्त गरे । थानी योसँगै तीनपटक प्रतिनिधिसभा सदस्यमा जित हासिल गर्न सफल भएका छन् ।

यस्तै पर्सा निर्वाचन क्षेत्र नम्बर ४ बाट नेपाली कांग्रेसका रमेश रिजाल प्रतिनिधिसभा सदस्यमा निर्वाचित भएका छन् । रिजाल ३१ हजार १४२ मतसहित सांसदमा निर्वाचत भएका हुन् । उनका निकटतम प्रतिस्पर्धी एमालेका जालिम मियाँले २५ हजार ६१९ मत गरे ।