सर्लाहीमा गठबन्धनका उम्मेदवारको अग्रता, स्वतन्त्र उम्मेदवार दोस्रो स्थानमा

७ मंसिर, मलङ्गवा । सर्लाही निर्वाचन क्षेत्र नं १ को प्रतिनिधिसभा र प्रदेशसभाको दुवै तर्फ गठबन्धनका उम्मेदवारको अग्रता रहेको छ ।

वामलोकतान्त्रिक गठबन्धनको तर्फबाट लोकतान्त्रिक समाजवादी पार्टी ‘लोसपा’ नेपालका प्रतिनिधिसभा सदस्यका उम्मेदवार रामप्रकाश चौधरी नौ हजार तीन सय ८३ मतका साथ अग्रस्थानमा रहेको जिल्ला निर्वाचन कार्यालय निर्वाचन अधिकारी निर्मल पोखरेलले जानकारी दिए ।

उनका प्रतिस्पर्धी स्वतन्त्र उम्मेदवार मानबहादुर खड्का आठ हजार एक सय ७२ मतका साथ दोस्रो स्थानमा रहेका छन् ।

यता सर्लाही निर्वाचन क्षेत्र नं १ ‘१’ मा प्रदेशसभा तर्फ वामलोकतान्त्रिक गठबन्धनका तर्फबाट लोसपाका उम्मेदवार उपेन्द्र महतो अग्रस्थानमा रहेका छन ।

त्यस्तै सर्लाही निर्वाचन क्षेत्र नं १ ‘२’ मा प्रदेशसभा तर्फ गठबन्धनका तर्फबाट नेकपा एसका उम्मेदवार बेचि लुङ्गेलीको जीत नजिक पुगेका छन् ।