मोरङ-६ मा मतान्तर बढाउँदै शेखर, साढे २१ सयले पण्डित पछाडि

७ मंसिर, विराटनगर । मंसिर ४ मा सम्पन्न प्रदेश र प्रतिनिधिसभा निर्वाचनको मतगणना जारी छ । मतगणनासँगसँगै मतपरिणााम आउने क्रम पनि जारी छ ।

यसै क्रममा मोरङको क्षेत्र नम्बर ६ मा सुरुदेखि नै अग्रता कायम गर्दै आएका नेपाली कांग्रेसका उम्मेदवार शेखर कोइरालाले एमाले उम्मेदवार लालबाबु पण्डितसँगको मतान्तर फराकिलो पार्दै लगेका छन् ।

पछिल्लो मतपरिणाम अनुसार शेखर कोइराला र लालबाबुबीचको मतान्तर २१६३ छ । कोइरालाले ११ हजार ११३ मत प्राप्त गर्दा लालबाबु पण्डित ८ हजार ९५० मत पाएका छन् । मत गणना जारी रहेको मोरङ ६ मा राष्ट्रिय स्वतन्त्र पार्टीका यादवकुमार प्रधानले २ हजार ७६९ मत पाएका छन् ।