सप्तरी १ मा जसपाका नवलकिशोरलाई निरन्तर अग्रता

७ मंसिर, सप्तरी । सप्तरी १ प्रतिनिधिसभा सदस्य पदमा जसपाका उम्मेदवार नवलकिशोर साहलाई निरन्तर रुपमा अग्रता मिलेको छ । साह नौ हजार एक सय ५६ मत प्राप्त गरी अग्रता कायम रहँदा जनमत पार्टीका उम्मेदवार जयकान्त राउत सात हजार दुई सय ६१ मतसहित दोस्रो स्थानमा छन् ।

सत्ता गठबन्धनका उम्मेदवार रामदेव साहले ६ हजार पाँच सय ३६ मत प्राप्त गरि तेस्रो स्थानमा छन् । २९ हजार एक सय ८९ मत गणना भएको छ । यस क्षेत्रमा कुल एक लाख १३ हजार एक सय ९५ मतदाता रहेका छन् । जसमध्ये ७५ हजार १८८ मत खसेको थियो ।