बर्दिया क्षेत्र न २ मा स्वतन्त्र उम्मेदवार लालविर चौधरी निर्वाचित

♦ दीपक शर्मा

७ मंसिर, बर्दिया । बर्दिया क्षेत्र न २ मा प्रतिनिधिसभा सदस्यमा स्वतन्त्र उम्मेदवार रहेका लालविर चौधरी निर्वाचित भएका छन । बुधवार सम्पन्न भएको मत गणनामा १ सय ३५ मत अन्तरको फरकमा नल्का चुनाव चिन्ह बाट स्वतन्त्र उम्मेदवार रहेका लालविर चौधरीलाई नागरिक उम्मुक्ति पार्टिको समर्थन रहेको थियो ।

चौधरीले गठबन्धनको तर्फबाट उम्मेदवार बनेका नेकपा माओवादी केन्द्रका शुरेस पन्थलाई पराजित गरेका हुन् । चौधरीले २६ हजार ५ सय २० मत ल्याउदा शुरेस पन्थले २६ हजार ३ सय ८४ मत ल्याउका थिए । यसै गरी नेकपा एमालेका पंकजसिह राठौरले १६ हजार ९० मत ल्याउका छन, भने राप्रपाका विनय रावलले १३ हजार २ सय ९२ मत ल्याएका छन । सो निर्वाचन क्षेत्रमा नागरिक उन्मुक्ति पार्टिबाट रेशम चौधरीको नाम सिफारिस भएको थियो ।

साथै रेशम चौधरीकै बुवा रहेका लालविर चौधरीले पार्टिकै सहयोगमा स्वतन्त्र उम्मेदवारी दिएका थिए । निर्वाचन आयोगले रेशम चौधरीको उम्मेदवारी खारेज गरेपछि नागरिक उन्मुक्ति पार्टिले स्वतन्त्र उम्मेदवार बनेका लालविर चौधरीलाई समर्थन गरेको थियो । जित निकालेका चौधरी रेशम चौधरीका बुवा हुन । २०७४ सालको निर्वाचनमा यो क्षेत्रबाट नेकपा माओवादी केन्द्रले जित निकालेको थियो ।

यसैगरी बर्दिया क्षेत्र न १ को प्रदेश सभा क मा गठबन्धनको तर्फबाट उम्मेदवार रहेका नेपाली कांग्रेसका भुवनेश्वर चौधरुी बिजयी भएका छन । उनले नेकपा एमालेका उम्मेदवार शालिकराम अधिकारीलाई १ सय १९ मतको फरकमा पराजित गरेका हुन । चौधरीले १७ हजार २६ मत ल्यायर विजय हुदा नेकपा एमालेका शालिकराम अधिकारीले १६ हजार ९ सय ७ मत ल्याएका छन् ।