ओखलढुंगाबाट प्रतिनिधिसभामा कांग्रेसका खतिवडा निर्वाचित

७ मंसिर, ओखलढुंगा । मंसिर ४ मा सम्पन्न प्रदेश र प्रतिनिधिसभा निर्वाचन अन्तर्गत मतपरिणाम आउने क्रम जारी छ । २०७४ को आम निर्वाचनमा ओखलढुंगाबाट पराजित भएका नेपाली कांग्रेसका नेता रामहरी खतिवडाले यो निर्वाचनमा भने भारी मतान्तरले विपक्षी उम्मेदवालाई हराएका छन् ।

ओखलढुंगाबाट प्रतिनिधिसभातर्फ वाम लोकतान्त्रिक गठबन्धनका उम्मेदवार नेपाली कांग्रेसका नेता रामहरि खतिवडा निर्वाचित भएका हुन् । उनले ३३ हजार ५ हय ५६ मत प्राप्त गरे । उनका निकटतम प्रतिद्वन्द्वी एमालेका यज्ञराज सुनुवारले २६ हजार ७ सय ३८ मत प्राप्त गरेका छन् ।