ताप्लेजुङको प्रदेशसभा क्षेत्र ‘ख’मा कांग्रेसका खगेनसिं हाङ्गाम विजयी

८ मंसिर, ताप्लेजुङ । नेकपा एमालेले लगातार जित्दै आएको ताप्लेजुङको प्रदेशसभा क्षेत्र ‘ख’मा नेपाली कांग्रेसका खगेनसिं हाङ्गाम विजयी भएका छन् । नेकपा एमालेका गोपाल थोप्रालाई १ हजार २४८ को मतान्तरले पराजित गर्दै हाङ्गाम विजयी भएका हुन्।

यहाँ खसेको कुल २१ हजार ८०७ मत मध्ये हाङ्गामले १० हजार ४९६ मत प्राप्त गरे। गोपाल थोप्राले ९ हजार २४८ मत प्राप्त गरेका हुन् । मूख्य निर्वाचन अधिकृतको कार्यालयले घोषणा गर्न बाँकी रहेको छ।

यस क्षेत्रमा २०४८ यता पहिलो पटक काँग्रेसले आफ्नो जित निकालेको हो । लगातार जित्दै नेकपा एमालेले रजत महोत्सव मनाएको यो क्षेत्रलाई नेकपा एमालेको किल्लाका रुपमा लिने गरिएको थियो।