कैलाली ५ (क)मा माओवादी केन्द्रका रमेश धामी विजयी

९ मंसिर, धनगढी । कैलाली निर्वाचन क्षेत्र नं. ५ को प्रदेशसभा (क)मा नेकपा माओवादी केन्द्रका रमेश धामी सिंह विजयी भएका छन् । नेकपा (एमाले)का नेपाल चौधरीलाई १२५ मतान्तरले पराजित गर्दै धामी प्रदेशसभा सदस्यमा विजयी भएका हुन् ।

धामीले ९ हजार ३८७ मत प्राप्त गरे भने एमालेका चौधरीले ९ हजार २६२ मत पाएका छन् । नागरिक उन्मुक्ति पार्टीका श्रीमराम चौधरीले ७ हजार ८६४ र राष्ट्रिय प्रजातन्त्र पार्टीका पुष्करदत्त भट्टले ४ हजार ७६७ मत प्राप्त गरेका छन् ।

विजयी धामी २०७४ को निर्वाचनमा भने कैलाली ५ को प्रदेशसभा (ख) बाट पराजित भएका थिए ।