काभ्रे २ बाट प्रतिनिधिसभा सदस्यमा गोकुल बास्कोटा विजयी

९ मंसिर, काठमाडौं । काभ्रेपलाञ्चोक क्षेत्र नं. २ बाट नेकपा (एमाले) नेता गोकुल बास्कोटा विजयी भएका छन् । उनले गठबन्धनका साझा उम्मेदवार नेपाली कांग्रेसका शिवप्रसाद हुमागाईलाई पराजित गर्दै प्रतिनिधिसभा सदस्यमा विजयी भएका हुन् ।

शुक्रबार बिहान सम्पन्न अन्तिम मतपरिणामअनुसार बास्कोटा ४५ हजार ३४५ मत ल्याएर विजयी भएका ह् । उनका निकटतम प्रतिद्वन्द्वी हुमागाँइले हुमागाईंले ३९ हजार ४८२ मत ल्याएका छन् । २०७४ मा आम निर्वाचनमा पनि बास्कोटा यही क्षेत्रबाट निर्वाचित भएका थिए ।

तत्कालीन केपी शर्मा ओली नेतृत्वको सरकारमा मन्त्री रहेका बेला ७० करोड घुस माग ‘काण्ड’बाट चर्चामा आएका नेता हुन् । सोही काण्डमा उनी मन्त्रीबाट हटाइएका थिए । यस्तै, राष्ट्रिय स्वतन्त्र पार्टी (रास्वपा)का दिनेश हुमागाईंले १० हजार ५७३ मत प्राप्त गरेका छन् ।

काभ्रे १ मा एमालेकै रेशम लामाले माओवादी केन्द्रका उम्मेदवार सूर्यमान दोङ ‘लालध्वज’लाई पछाडि पारेका छन् । काभ्रेका चार वटा प्रदेशसभा सदस्यमा भने कांग्रेस, माओवादी र एकीकृत समाजवादीले चुनाव जितेका छन् ।