रामेछाप (ख)मा गठबन्धनका उम्मेदवार चौलागाँईलाई सुरुवाती अग्रता

९ मंसिर, मन्थली । एउटै मात्र संघीय निर्वाचन क्षेत्र रहेको रामेछापको प्रदेशसभा (ख) सत्ता गठबन्धनका उम्मेदवार नेकपा (माओवादी केन्द्र)का युवराज चौलागाँईले सुरुवाती अग्रता लिएका छन् ।

शुक्रबार बिहानबाट शुरु भएको मतगणनाको पछिल्लो परिणामअनुसार नौ सय मत गणना हुँदा चौलागाँइृले ५३२ मत प्राप्त गरेका छन् ।

उनलाई नेकपा (एमाले)का मिलकुमार घिसिङले २८६ मत ल्याएका छन् । खाँडादेवी गाउँपालिका–१ राकाथुमबाट मतगणना सुरु गरिएको छ । खाँडादेवी एमालेको पकड क्षेत्र मानिन्छ । तर मत गणना भइरहेको वडा गत स्थानीय तह चुनावमा माओवादी केन्द्रले जितेको वडा हो ।

यहाँको प्रदेश (क)मा यसअघि नै गठबन्धनका उम्मेदवार रहेका माओवादी केन्द्रका तारानारायण श्रेष्ठ प्रदेश सांसद विजयी भइसकेका छन् ।

रामेछापमा गठबन्धन भागबण्डामाा प्रतिनिधिसभा कांग्रेसलाई र प्रदेशसभाका दुर्व क्षेत्र माओवादी केन्द्रलाई परेको थियो । प्रतिनिधिसभातर्फ भने माओवादी केन्द्रभित्रका असन्तुष्ट खेमाले डहुका रामकुमार लामालाई खुकुरी चिन्हबाट स्वतन्त्र उम्मेदवार उठाएका छन् । उम्मेदवार चाैलागाँइ सुनपति गाउँपालिकाकी उपाध्यक्ष गीता विष्टकी श्रीमान हुन् ।