नुवाकोट-२ बाट केसी र मुगुबाट कांग्रेसका शाही निर्वाचित

१० मंसिर, काठमाडौं । मंसिर ४ मा सम्पन्न प्रदेश र प्रतिनिधिसभा निर्वाचनको मतपरिणाम आउने क्रम जारी छ । प्रतिनिधिसभातर्फ नुवाकोट २ बाट नेपाली कांग्रेसका नेता अजुर्ननरसिंह केसी र मुगुबाट ऐनबहादुर शाही प्रतिनिधिसभा सदस्यमा निर्वाचित भएका छन् ।

केसीले २८ हजार १०७ मत ल्याएर नुवाकोटको निर्वाचन क्षेत्र नम्बर २ बाट विजयी भएका हुन । उनका निकटतम प्रतिस्पर्धी राष्ट्रिय स्वतन्त्र पार्टीका सुमनविक्रम पाण्डेले १६ हजार ४७७ मत पाए भने एमालेका नारायणप्रसाद खतिवडाले १५ हजार ५६१ मतमा चित्त बुझाए ।

यस्तै मुगुबाट नेपाली कांग्रेसका ऐनबहादुर शाही प्रतिनिधिसभा सदस्यमा निर्वाचित भएका छन् । नेकपा एमालेका राजबहादुर कार्कीलाई पराजित गर्दै शाही प्रतिनिधिसभा सदस्यमा निर्वाचित भएका हुन् । शाहीले १४ हजार ७०२ मत पाए भने एमालेका कार्कीले १० हजार ७०८ मत पाए ।