मधेसमा प्रतिनिधिसभातर्फ माओवादी केन्द्र शून्य, सिके राउत र प्रभु साहकाे बलियाे प्रभाव

१०, मंसिर, काठमाडौं । नेकपा (माओवादी केन्द्र) यस पटक आम निर्वाचनमा प्रतिनिधि सभातर्फ मधेश प्रदेशमा शून्य बनेको छ ।

माओवादी केन्द्रका उपमहासचिव समेत रहेका पोखरेले महोत्तरी–१ बाट एमालेका उम्मेदवार लक्ष्मी महतोसँग आइतबार पराजित भएपछि मधेस प्रदेशमा माओवादी केन्द्र शून्य बन्न पगुको हो ।

एमालेका उम्मेदवार महतो २३ हजार ४०२ मत ल्याएर विजय भएका छन् भने ९माओवादी केन्द्र०का उम्मेदवार पोखरेलले २२ हजार ३७२ मत ल्याएर पराजित भएका छन् । नेकपा माओवादी केन्द्रको चुनाव चिन्ह लिएर लडेका नेपाल समाजवादी पार्टीका अध्यक्ष महिन्द्र राय यादवमात्र सर्लाहीबाट विजयी भए तर उनी जसपाका पंक्तिमा गनिन्छन् ।

मधेस प्रदेशको प्रतिनिधि सभातर्फ ३२ वटा क्षेत्रमध्ये माओवादी केन्द्रले ७ ठाउँमा मात्र आफ्नो उम्मेदवारी दिएको थियो भने प्रदेश सभातर्फ ६४ वटा क्षेत्रमध्ये १७ ठाउँमा मात्र उम्मेदवारी दिएको छ ।

माओवादी केन्द्रले प्रदेश सभातर्फ भने चारवटा सीट जितेको छ । पर्सा १ (क) मा माओवादी केन्द्रका रोहवर अन्सारी, सर्लाही ४ ९ख० मा फकिरा महतो, महोत्तरी १ (ख)बाट भरतप्रसाद साह र रौतहट ४ (क) मा युवराज भट्टराई प्रदेश सांसद निर्वाचित भएका छन् । अब उसको दुवै क्षेत्रमा अग्रता छैन ।

सिरहाको ३ नम्बर क्षेत्रमा माओवादी केन्द्रका विश्वनाथ साहएमालेका उम्मेदवार लीलानाथ श्रेष्ठबाट पराजित भएका छन् । धनुषा १ मा माओवादी केन्द्रका उम्मेदवार मातृका यादव जसपाका दीपक कार्कीबाट पराजित भए ।

सर्लाही ३ मा नरेन्द्र साह कलवार एमालेका हरिप्रसाद उप्रेतीसँग पराजित भए । रौतहट ३ मा माओवादी केन्द्रले रवीन्द्र पटेल चापाकल चिन्ह भएका स्तन्त्र उम्मेदवार प्रभु साहसँग पराजित भए । प्रभु साहले उनकाे क्षेत्रबाट एउटा प्रदेशमा एउटा र २ मा प्रदेश सांसद जिताएका छन् ।

यस्तै, बारा २ मा माओवादी केन्द्रका उम्मेदवार शिवकुमार कुशवाहा जसपाका रामसहाय यादवसँग पराजित भए । मधेसमा नेता नेताबीच गुट, उपगुट भएकै कारण चुनाव परिणाम अर्कैको पोल्टामा गएको नेताहरु नै बताउँछन् ।

बरु, पार्टी गठन भएकै वर्ष सिके राउतको जनमत पार्टीबाट सप्तरीबाट राउतले नै जितेका छन् । उनका पार्टीबाट याे प्रदेशमा केही उम्मेदवार प्रदेश सांसद पनि जितेका छन् ।