उदयपुर १ मा समानुपातिक मतपेटिका प्रदेशसभाको मतपत्र भेटिएपछि विवाद, पुन: मतगणना सवा ४ बजदेखि

११ मंसिर, उदयपुर । उदयपुर क्षेत्र नं. १ को मतगणना रोकिएको छ । गणनाको क्रममा पछिल्लो पटक खोलिएको १० वटा मतपेटिकामा उदयपुर १ काे (२) प्रदेश सभाको १०० मत पत्र भेटिएकोले गणना रोकिएको मुख्य निर्वाचन अधिकृत कृष्णप्रसाद सुवेदीले आइतबार एक सूचना जारी गरेर जानकारी दिएका छन् ।

उनका अुनसार ६३ हजार ८० मत गणना भइसकेपछि थप गणनाको लागि १० वटा मतपेटिका खोल्दा प्रदेशसभाको मतपेटिका भेटिएपछि दलहरुले गणना रोक्न माग गर्दै अवरुद्ध गरेका हुन् । उनले दिउँसो सवा ४ बजे सर्वदलीय बैठकपछि मतगणना सुरू हुने बताए ।

कुल ७६ हजार ७५६ मत खसे उदयपुर(१ मा ६३ हजार ८० मत गणना भइसकेको छ । गणना भइसकेकोमा काग्रेसका डाक्टर नारायण खडकाले १ हजा ८२५ मतले अग्रता लिएका छ्न् ।

खडकाले २७ हजार ४८४ मत प्राप्त पाएका छन् भने एमालेकी मन्जु कुमारी चौधरीले २५ हजार ६५९ ल्‍याएको निर्वाचन अधिकृतको कार्यलयले जनाएको छ ।