घोडाघोडी नगरपालिकामा तालाबन्दी

११ मंसिर, धनगढी । यहाँको नगरपालिका कार्यालयमा तालाबन्दी गरिएको छ । नगरपालिकामा जनप्रतिनिधिको संलग्नतामा नीतिगत भ्रष्ट्राचार मौलाइरहेको, जनताका समस्याप्रति उदासिन भएको लगायतका आरोप लगाउँदै विप्लव नेतृत्वको नेपाल कम्युनिष्ट पार्टीका कार्यकर्ताले शनिबार तालाबन्दी गरेका हुन् ।

तालाबन्दीपछि नेकपाका घोडाघोडी नगर समितिका इन्चार्ज भरत र सचिव अर्जुनले विज्ञप्ति समेत जारी गरेका छन् ।

विज्ञप्तिमा प्रमुख प्रशासकीय अधिकृतको सरकारी निवासमा मादक पदार्थ सेवन गरी जनप्रतिनिधि र कर्मचारीले टेबुल र कम्प्युटर तोडफोड गरेको, ढुंगा, बालुवा उत्खननमा विना मापदण्ड ओसारपसार गरेर प्राकृतिक दोहन गरेको र रकम असुल गरेको उल्लेख छ ।